World Medicine сифатида биз ўз фаолиятимизни 450 дан ортиқ фармакологик маҳсулотлардан иборат кенг портфел билан амалга оширамиз. Биз 50 дан ортиқ мамлакатда барқарор сифат стандартлари ва инновацион ёндашув билан самарали ва мақбул маҳсулотлар таклиф қиламиз.

Биз фаолият юритаётган барча мамлакатларда ишончли бизнес шериги ва барча соҳаларда етакчи компания бўлиш мақсадида технологик ўзгаришларни яқиндан кузатиб борамиз ва инвестицияларимизни шу нуқтаи назарга мувофиқ шакллантирамиз.

Тадқиқот ва ишланмаларга қўшган ҳиссамиздан ташқари, 2016 йилда “Фармацевтик маҳсулотлар экспорти” номинациясида тўққизинчи, 2017 йилда эса учинчи ўринни эгалладик. Шу йили “Энг тез ривожланаётган экспортчи компания” сифатида ҳам мукофотга эга бўлдик. 2018 йилга келиб, “Экспорт юлдузлари” мукофотлар тантанасида учинчи ўринни эгалладик. Шу йили “Туркиянинг 1000 та энг йирик экспорт қилувчи компаниялари – 2019” рейтинг сўровномасига кўра, турли соҳаларда фаолият юритаётган барча компаниялар орасида 332-ўринни эгаллаб, аввалги йилга нисбатан 60 поғона юқорига кўтарилдик. Ўтган йили экспорт соҳасидаги муваффақиятли кўрсаткичларимиз билан Истанбул кимёвий моддалар ва маҳсулотлар экспортчилари ассоциацияси (İKMİB) томонидан «Экспорт юлдузлари – фармацевтик экспорт» номинациясида иккинчи ўринни эгалладик, 2020 йили эса биринчи ўринга кўтарилдик. 2022 ва 2023 йилги экспорт натижаларига кўра, World Medicine Туркиядан фармацевтик маҳсулот экспорт қилиш бўйича пешқадамликни сақлаб келмоқда.

World Medicine сифатида бу йил ҳам ISO 500 рўйхатига кирдик ва аввалги йилларда ушбу рўйхатда бўлган кўплаб фармацевтик компаниялардан ўтиб кетиб, соҳа бўйича бешинчи ўринни эгалладик. Биз экспорт борасида олдимизга қўйилган мақсадларга эришдик ва кейинги даврда етакчи мавқеимизни сақлаб қолиш учун янада катта иштиёқ ва ҳаракат билан фаолият юритамиз. Яқин келажакда янги ишлаб чиқариш марказимиз, малакали мутахассисларимиз, замонавий илмий-тадқиқот марказимиз ва заводимиз ёрдамида ишлаб чиқариш салоҳиятимизни янада оширамиз.

Бугунги кунга қадар амалга оширилган барча фаолиятимиз босқичма-босқич, пухта режалаштирилган. Қўлга киритган барча мукофотларимиз — узоқни кўзлаган бизнес-стратегиялар асосида амалга оширилган аниқ ва самарали режалаштириш натижасидир. Келгусида ҳам World Medicine номи барча соҳаларда етакчиликка эришиши ва доимо чўққида бўлиши учун жипс ва ҳамжиҳат ҳолда иш олиб борамиз.

Ҳурмат билан

Соҳраб Маммадов
Бошқарув Кенгаши Раисининг ўринбосари